السبت 31 أغسطس 2013 / 18:47
"شيخ الريالات".قصيدة للشاعر المصري الشاب محمد محمدي، يتداولها النشطاء على فيس بوك وتويتر، وبدا أنها حاضرة كذلك لدى مشاهير الفن في مصر، فمن برنامج هالة شو إلى تغريدات الفنان الكبير لطفي لبيب، الكل اليوم يتداول قصيدة "شيخ الريالات" في ذم القرضاوي.
ويقول محمد في قصيدته تلك:
شيخ الريالات.....!!
شيخ الريالات يصبح و يبات
ينفخ ف الفتنة يصحيها
و الفتوى قوام ما بيفتيها
و لا همه بلدنا تضيع فيها
و لا تغرق ف بحور المتاهات
شيخ الريالات
ف الدوحة فضيلته مدحدحها
قاعد ف قصور و مريحها
و يعرى بلدنا يشلحها
دور تلاقيه سر الازمات
شيخ الريالات
و يقول يا ولاد اطلعو ع الشام
ده جهاد و القعدة ف بيتكوا حرام
يهيج ف شباب و يخش ينام
ما اهى ازهى عصور الاشتغالات
شيخ الريالات
و ياريت مصر سايبها ف حالها
ليل و نهار بيجر شكلها
يعدل عمته و يكحولها
و شيوخ دول و لا بقوا فتوات
شيخ الريالات
قاعد ف جزيرته و بيعيب
و لا عاجبه لا أزهر و لا طيب
شايب و كلامه بقى يشيب
و يا مليون حسرة على الشنبات
شيخ الريالات
مولانا القطرى اللى خربها
بقى راعى الفتنة و عرابها
و لمصر خلاص بيقربها
بخطبة و فتوى و حبة شعارات
شيخ الريالات
و كلمة أخيرة بكل أمانة
نرجوك يا فضيلة مولانا
من تانى بلاش تستعمانا
و نقطنا يا سيدنا شوية سكات
شيخ الريالات
يصبح و يبات......!!
وكان حمدي نشر على صفحته على فيس بوك، قبل هذه القصيدة، أخرى سخر فيها من الناشطة اليمنية المؤيدة لجماعة الإخوان المسلمين، توكل كرمان، وجاء فيها التالي:
و من اليمن جانا النبأ
جانا الخبر و المبتدأ
جانا ف هيئة خنفسة
حرمة صحيح لكن شلق
وقالك دى بلقيس من سبأ
زعلت عشان مرسى اتحلق
مالك بمصر يا ستنا
عندك يمن مليان قلق...!!
بنت الجماعة المخلصة
لما الجماعة تقول مدد
تطلع قوام الخنفسة
تطول لسانها ع البلد
تاخد حبوب الهلوسة
وتقول كلام مالهوش سند
موكوسة وكسة كويسة
كرمان اهيه مرات الاسد
يا واخدة نوبل في السلام
اتوكلى كرمالنا
شوفى اليمن أصبح حطام
ومتلعبيش ف بلادنا
ومتزوديش بقى ف الكلام
واياك نشوفك يوم هنا......!!